“Bolqarıstan avrozonaya üzv olmaq üçün bütün kriteriyalara cavab verir”.

Qaziler.az xəbər verir ki, bunu Avropa İttifaqının iqtisadiyyat üzrə komissarı Valdis Dombrovskis deyib. O, qeyd edib ki, ölkə hələ 2026-cı ilin əvvəlində bu valyuta ilə hesablaşmalara keçə biləcək.

“Bolqarıstan indi avrozonanın 21-ci üzvü olmaq üçün bütün meyarlara cavab verir. Bugünkü hesabat Bolqarıstan, avrozona və bütövlükdə Aİ üçün tarixi məqamdır”, - Dombrovskis deyib.

Eyni zamanda o, bunun bu prosesdə son addım olmadığını vurğulayıb. Avropa Şurasının iyulun birinci yarısında yekun qərar verəcəyi gözlənilir.

Xatırladaq ki, iyunun 1-də minlərlə Bolqarıstan vətəndaşının Sofiya və digər şəhərlərin küçələrinə çıxaraq avroya keçidə etiraz etdiyi bildirilir. Yerli sakinlər qərarın ölkə iqtisadiyyatına mənfi təsir edəcəyindən narahat olduqlarını bildirirlər.

QAZİLER.AZ