Fransada naməlum şəxs Lion yaxınlığındakı Villeurbanne şəhərindəki Errama məscidindən Quran oğurlayıb və binanın çıxışında müqəddəs kitabı yandırıb.

Qaziler.az bildirir ki, bu barədə iyunun 3-də Məscidlər Şurasının saytında məlumat verilib.

Qeyd olunur ki, hadisə iyunun 2-nə keçən gecə baş verib.

"Yerli vaxtla təxminən saat 3:45-də , yəni ilk azandan 20 dəqiqə əvvəl üzünü gizlədən şəxs namaz zalına daxil olub. O, Quranın bir nüsxəsini götürərək yandırıb və qaçmazdan əvvəl binanın girişində qoyub", - kommünikedə deyilir.

Regional məscidlər şurası hadisəni “nifrət zəminində törədilən silsilə hücumlardan biri” adlandırıb. Təşkilat həmçinin Fransada müsəlmanlara qarşı mənfi münasibətin formalaşmasından narahatlığını bildirib.

QAZİLER.AZ