Tehranın nüvə proqramı ilə bağlı İran və ABŞ arasında danışıqların yeni raundu baş tutmaya bilər.
APA xəbər verir ki, bu barədə mənbələrə istinadən "CNN" telekanalı məlumat yayıb.
“Mövcud mərhələdə növbəti danışıqlar raundunun keçirilməsi çox qeyri-müəyyəndir və ümumiyyətlə baş verməyə bilər”, – deyə xəbərdə qeyd edilir.
Telekanala danışan yüksək vəzifəli İran rəsmisi bildirib ki, ABŞ-nin yeni təklifi “natamam və sistemsiz”dir.
Mənbələrin sözlərinə görə, yeni razılaşma ilə bağlı danışıqlara olan maraq və dinamika tədricən sönməyə başlayıb.
