Əfqanıstanın keçmiş prezidenti Həmid Kərzai sovet qoşunlarının ölkəyə daxil olmasını faciəvi səhv adlandırıb.

Qaziler.az-ın məlumatına görə,RTVI-ya müsahibəsində o, Əfqanıstanda SSRİ bayrağı altında mənfi halların baş verdiyini deyib.

Keçmiş prezident SSRİ-nin böyük həcmdə göstərdiyi yardımını xatırladıb və həmçinin əfqanların Sovet İttifaqında təhsil almaq imkanını da qeyd edib. "Lakin bundan sonra dəhşətli səhv baş verib - Əfqanıstanın işğalı...”, - deyə Kərzai qeyd eedib.

"Bu, həm bizə, həm də sizə böyük ziyan vurdu. Siz [ruslar] o müharibənin nəticələrini dəf etdiniz, amma biz etmədik. Biz hələ də onun nəticələrindən əziyyət çəkirik", - Kərzai bildirib.

Onun sözlərinə görə, Əfqanıstanda insanlar həmin dövrü xatırlayır və hələ də özlərinə Sovet İttifaqının niyə qoşun yeritdiyini soruşurlar.

Xatırladaq ki, SSRİ 1979-cu ilin dekabrında əfqan xalqına beynəlxalq yardım göstərmək üçün ölkəyə qoşun yeridib. Sovet qoşunları cəmi 10 il sonra – 1988-1989-cu illərdə ölkədən tamamilə çıxarılıb. Qoşunların çıxarılması fevralın 15-də başa çatıb. 2011-ci ildən Rusiyada tarixdə bu gün Vətəndən kənarda öz rəsmi borcunu yerinə yetirən rusların anım günü kimi qeyd olunur.

QAZİLER.AZ