Niderland NATO-nun qarşıdan gələn sammitinin proqramında Vladimir Zelenskinin başçılıq etdiyi Ukrayna nümayəndə heyətinə yer axtarır.

Qaziler.az xəbər verir ki, bu sözləri NRC-yə ölkənin müdafiə naziri Ruben Brekelmans deyib. O, tədbirin 24-25 iyun tarixlərində Haaqada baş tutacağını qeyd edib.

“Biz Zelenski və digər ukraynalıları proqrama daxil etmək üçün fürsət axtarırıq”, - Brekelmans deyib.

Niderland Müdafiə Nazirliyinin rəhbərinin sözlərinə görə, krallıq Ukrayna prezidentini hər səfərdə görməkdən məmnundur. O, həmçinin bir sıra ölkələrin, o cümlədən ABŞ-nin mövqeyinə baxmayaraq, Kiyevin Şimali Atlantika Alyansına üzvlüyünün əvvəlcədən müəyyən edildiyi qənaətində olduğunu bildirib. Eyni zamanda müəlliflər yazırlar ki, Zelenskinin NATO-nun bu sammitində iştirak etmə ehtimalı azdır.

QAZİLER.AZ