Finlandiya Müdafiə Nazirliyi ruslar üçün daşınmaz əmlak alqı-satqısına tam qadağa qoyulması ilə bağlı qərar layihəsi hazırlayıb.

Qaziler.az “Gazeta.ru”ya istinadla xəbər verir ki, bu barədə Finlandiya hərbi idarəsinin mətbuat xidməti məlumat yayıb.

"Fərmanın qüvvəyə mindiyi tarixdən əvvəl Rusiya və Belarus vətəndaşlarının icazə almaq üçün təqdim etdiyi müraciətlərə standart prosedura uyğun olaraq baxılacaq. Fərman qüvvəyə mindikdən sonra tam qadağaya məruz qalan şəxslər və təşkilatlar Finlandiyada daşınmaz əmlak ala bilməyəcəklər", - qanun layihəsində deyilir.

Hazırda sənəd layihəsi ekspertizadan keçmək üçün təqdim olunur. Finlandiya Müdafiə Nazirliyinin izah etdiyi kimi, mənzil alqı-satqısına qoyulan qadağa, Avropa İttifaqının fikrincə, ölkənin milli təhlükəsizliyinə təhlükə yaradan ölkələrin vətəndaşlarına şamil ediləcək. Finlandiya nazirliyi Rusiya və Belarusun bu qadağaya uyğun olduğunu bəyan edib.

Fərmanın iyun ayından qüvvəyə minməsi gözlənilir.

Firuzə Alimova / QAZİLER.AZ