Hazırda Ukraynada əlavə xarici hərbçilərə ehtiyac yoxdur. Əsas məsələ maliyyə və müasir hərbi texnikanın təminatıdır.

RBC-Ukrayna “Dagens industri”yə istinadən xəbər verir ki, bunu Finlandiya prezidenti Aleksandr Stubb deyib.

İsveç və Finlandiyanın Ukraynaya qoşun göndərib-göndərməməsi ilə bağlı sualı cavablandıran Stibb deyib ki, bu, hələlik aktual məsələ deyil.

"Hazırda bu, hipotetik sualdır. Biz tez-tez unuduruq ki, Ukrayna 800 min əsgərlə Avropanın ən böyük ordusuna malikdir. Ona görə də özünüzə sual verməlisiniz: Ukraynada hazırda İsveç və Finlandiya qoşunlarına ehtiyac varmı? O zaman cavab "yox" olacaq", - o deyib.

Bununla belə, Ukraynaya və döyüş meydanında Ukrayna ordusuna nəyin kömək ola biləcəyini vurğulayıb.

"Ancaq maliyyə və hərbi texnikaya ehtiyac varmı? Onda cavab "bəli" olacaq", - prezident əlavə edib.

QAZİLER.AZ