Fransada taksi sürücüləri tibbi daşınma üçün yeni ödəniş şərtləri üçün nümayiş çərçivəsində ikinci gündür küçələri bağlamağa davam edirlər.

Qaziler.az bildirir ki, bu barədə mayın 20-də “Le Figaro” qəzeti məlumat yayıb.

“Yüzə yaxın taksi sürücüsü etiraz əlaməti olaraq çərşənbə axşamı Parisdə, Nəqliyyat Nazirliyinin yaxınlığındakı Raspail Bulvarını bağlamağa davam edir”, - məqalədə deyilir.

Bəzi şəhərlərdə də nəqliyyatın blokadası elan edilib. Belə ki, Fransa-İsveçrə sərhədində, böyük miqdarda nəqliyyatın keçdiyi Bardonnex gömrük məntəqəsində A40 şossesində 10 km-lik sürətin azaldığını bildiriblər.

Nəşrin məlumatına görə, etirazçıların sayı ötən günlə müqayisədə azalıb, lakin Fransanın bir neçə şəhərində etirazlar davam edir.