İran nüvə sazişindən imtina edərsə, ABŞ respublikanın bütün neft tədarükünü kəsərək onu iflasa uğradacaq.

Qaziler.az "Reuters"ə istinadən  xəbər verir ki, bunu ABŞ prezidenti Donald Tramp Səudiyyə Ərəbistanına səfəri zamanı deyib.

"Ancaq İran rəhbərliyi bu zeytun budağından imtina edərsə və qonşularına hücum etməyə davam edərsə, o zaman mənim əvvəl etdiyim kimi maksimum təzyiq göstərməkdən və İran neftinin ixracını sıfıra endirməkdən başqa çarəmiz qalmayacaq", - dövlət başçısı qeyd edib.

Tramp əlavə edib ki, o, artıq Tehranı demək olar ki, tamamilə pul çatışmazlığı həddinə çatdırıb. Onun sözlərinə görə, təzyiq vasitəsi kimi bu addımı bir daha təkrarlaması onun üçün problem olmayacaq.

QAZİLER.AZ