Polşa Müdafiə Nazirliyi ABŞ-ın sülhməramlı missiya çərçivəsində Polşa əsgərlərini Ukraynaya göndərmək təklifini qəti şəkildə rədd edib. Ölkə Ukrayna dövlətinə yardım üçün maddi-texniki təminatda öz rolunu oynamağa davam edəcək.

Qaziler.az bildirir ki, bu barədə RAR xəbər verir.

"Polşa Ukraynaya mümkün sülhməramlı qüvvələrin bir hissəsi kimi öz əsgərlərini göndərmir və göndərməyi planlaşdırmır, bu məsələ ilə bağlı heç bir danışıqlar aparılmır", - Polşa müdafiə nazirinin müavini Sezari Tomçik PAP-a şərhində bildirib.

Polşa da daxil olmaqla dörd Avropa ölkəsindən kontingentin Ukraynada yerləşdirilməsini təklif edən ABŞ-ın xüsusi elçisi general Keyt Kelloqun son bəyanatına Tomçik belə cavab verib.

Müdafiə nazirinin müavini vurğulayıb ki, mümkün sülhməramlı qüvvələrin tərkibində Ukraynaya qoşun göndərilməsi ilə bağlı "Polşanın mövqeyi dəyişməz olaraq qalır".

QAZİLER.AZ