Brüsselin ikinci ən böyük hava limanı olan Şarlerua bomba xəbərdarlığından sonra fəaliyyətini dayandırmaq məcburiyyətində qalıb.

Qaziler.az bildirir ki, bu barədə "dpa" xəbər verir.

Mayın 13-də Portuqaliyadan gələn təyyarənin göyərtəsində bomba olması barədə məlumat daxil olub.

"Təyyarənin ətrafında təhlükəsizlik perimetri yaradılıb, bunun üçün uçuş-enmə zolağının bağlanması və nəticədə hava limanının fəaliyyətinin dayandırılması tələb olunub", - Şarlerua hava limanının bəyanatında deyilir.

Uçuşlar Brüssel və Fransanın Lill şəhəri də daxil olmaqla, yaxınlıqdakı digər hava limanlarına yönləndirilib.

Şarlerua hava limanı daha sonra xidmətədavam edib.

QAZİLER.AZ