İsveçdəki Azərbaycan diasporu, həmçinin, Güney Azərbaycan mühacirlərinin qatıldığı Güney Azərbaycan İstiqlal partiyası (GAİP) və Güney Azərbaycan Qurtuluş partiyası (GAQP) tərəfindən İsveçin Stokholm şəhərində İran səfirliyi qarşısında Güney Azərbaycanda gedən etirazlara dəstək aksiyası keçirib.
GAİP-in İsveçdəki səlahiyyəti nümayəndəsi Səməd Fərtaşın QAZİLER.AZ –a bildirdiyinə görə, “bu aksiyaya Güney Azərbaycan təşkilatları ilə yanaşı Türk Federasıyası və Türkmən Eli, eləcə də Əhvaz Ərəbləri qatılaraq Güney Azərbaycan Türklərinə dəstək verib, İranda Türklərə qarşı diskriminasiyanı qınadılar”.Etiraz aksiyası 2 saat müddətində davam etdi və bəyanatlar oxunaraq sona çatdı.
