Papa taxtına əsas namizədlər kardinallar Pietro Parolin və Luis Antonio Qokim Taqledir.

Qaziler.az xəbər verir ki, bu barədə “Polymarket” bukmeker agentliyinin saytında yerləşdirilən məlumatda qeyd edilib.

Nəşr zamanı Parolinin şansı 32%, Taqlenin şansı isə 24% olaraq qiymətləndirilir. Birincinin 70 yaşı var, Çin və Yaxın Şərq siyasətçiləri ilə danışıqlar apararaq Vatikanın ən təcrübəli diplomatlarından biri hesab olunur. Parolin öz baxışlarında mötədil mühafizəkardır, xüsusilə eynicinsli nikahların qanuniləşdirilməsini mənfi qiymətləndirir. O, hazırda Vatikanın dövlət katibi vəzifəsini tutur.

Eyni zamanda, 67 yaşlı Taqle azlıqlar və boşanmış cütlüklər haqqında daha mütərəqqi fikirlərə malikdir.

Qeyd edək ki, Roma Papası aprelin 21-də 89 yaşında vəfat edib. Vatikan tezliklə “boş taxt”a namizəd üçün seçkilərə başlayacaq. Çoxəsrlik ənənə və qaydalarla tənzimlənən bu proses bütün dünyanın diqqətini cəlb edir.

QAZİLER.AZ