Parisin ətraf qəsəbələrində terrorçuların tapılması istiqamətində əməliyyatlar genişləndirilib. APA TV-nin "Rossiya 24" telekanalına istinadən verdiyi məlumata görə, Sen-Denidə keçirilən əməliyyat zamanı 3 şübhəli şəxs saxlanılıb.

Məhəllələrin birində isə daha bir neçə nəfərin yeri müəyyənləşdirilib. Onların mənzillərdən birində gizləndikləri deyilir.

Əməliyyatın gedişində atışmalar olub. Atışmalar nəticəsində bir neçə asayiş keşikçisinin yaralandığı bildirilir. Ərazi havadan da müşahidə altındadır.

Xatırladaq ki, Parisdə eləcə də ətraf qəsəbələrdə əməliyyatların genişlənməsinə səbəb noyabrın 13-də baş verən terror aktıdır. Həmin hadisə nəticəsində 129 nəfər həyatını itirib, 300-dək insan isə yaralanıb.