Yunanıstanın Levkada adasında zəlzələ baş verib. APA TV-nin "Euronews"a istinadən məlumatına görə, yeraltı təkanlar 6,1 bal gücündə olub. Zəlzələ nəticəsində iki qadın ölüb, 8 nəfər yaralanıb. Ölən qadınlardan biri uçan evin dağıntıları altında qalıb, digərinin üzərinə isə qaya parçası düşüb.
Zəlzələnin episentri İoni dənizində Nidra şəhərindən 14 kilometr aralıda, yerin 11 kilometr dərinliyində qeydə alınıb. Yeraltı təkanlar 20 dəfə təkrarlanıb. Levkada adasında yollar bağlanıb, yaxınlıqdakı adalarda isə sürüşmələr əmələ gəlib, yaşayış binaları dağılıb.
