Ukraynanın NATO-ya daxil olması geri dönməz prosesdir. Lakin bunu Rusiya-Ukrayna müharibəsində mümkün sülh sazişi ilə əlaqələndirmək olmaz.

Qaziler.az RBC-Ukrayna-ya istinadən xəbər verir ki, bu barədə NATO-nun baş katibi Mark Rutte telemarafonun efirində yayımlanan müsahibəsində bildirib.

Baş katib əmin edib ki, bütün müzakirələrə baxmayaraq, Ukraynanın NATO-ya üzvlük məsələsi Alyansın gündəmində qalır.

"Bəli, tamamilə. Bu, Vaşinqton sammitinin nəticəsi idi: Ukraynanın NATO-ya gedən yolu dönməzdir. Və heç nə dəyişməyib".

"Biz Ukraynanın bir gün NATO-ya üzv olacağını deyəndə, bunun sülh sazişinin bir hissəsi olacağına söz vermədik", - Rutte bunu da vurğulayıb.

QAZİLER.AZ