Mask və Tramp arasındakı münasibətlər tariflərlə bağlı fikir ayrılıqları səbəbindən nəzərəçarpacaq dərəcədə soyuyub.

Qaziler.az xəbər verir ki, bu haqda “Bild” nəşri yazıb.

Donald Trampın ən nüfuzlu müşavirlərindən biri olan İlon Mask bu yaxınlarda Avropa ilə azad ticarət zonası yaratmaq təşəbbüsü ilə çıxış edib. Prezident administrasiyası isə tarifləri artırmaq siyasətini davam etdirir. Bununla bağlı mətbuatda İlon Maskın hökumət strukturlarından, xüsusən də DOGE-nin dövlət xərclərinin optimallaşdırılması agentliyindən getməsi ilə bağlı xəbərlər yayılıb.

Onun Trampın çevrəsində təsirinin getdikcə azaldığı da bildirilir.

İlon Musk son həftələrdə tənqidlərə və ictimai etirazlara məruz qaldığından, media xəbərləri texnologiya milyarderinin tezliklə siyasətdən uzaqlaşa və diqqətini öz biznesinə yönəldə biləcəyini fərz edir. Xüsusilə onun şirkəti “Tesla” boykot və vandalizm çağırışları fonunda çoxsaylı çətinliklərlə üzləşib.

QAZİLER.AZ