Argentinanın keçmiş prezidenti Kristina Fernandes de Kirşner Ukrayna lideri Vladimir Zelenskini hazırkı dövlət başçısı Xavyer Miley ilə müqayisə edib.

QAZİLER.AZ  Axar.az-a istinadən xəbər verir ki, bu barədə Kirşner sosial şəbəkə hesabında paylaşım edib.

O bildirib ki, Mileyin ABŞ-la münasibətlərə verdiyi önəm onu Zelenski ilə eyni mövqeyə gətirir:

“Oval kabinetdə Zelenskinin təlxək kimi əksini gör və artıq lazım olmadıqda onun başına nələrin gəldiyini düşün”, - paylaşımda qeyd olunub.

Xatırladaq ki, X.Miley 2023-cü il dekabrın 10-da vəzifəsinin icrasına başlayıb. O, prezident postuna gəldikdən sonra ABŞ-a 10 dəfə səfər edib.