Avstraliya prezident Donald Trampın gözlənilməz siyasəti səbəbindən ABŞ ilə gücləndirilmiş müdafiə ittifaqından imtina etməyi düşünür.

Qaziler.az xəbər verir ki, bu barədə “The New York Times” yazır.

ABŞ Avstraliyadan gələn polad və alüminiuma 25%, digər ixracatına isə 10% tariflər tətbiq etdikdən sonra Avstraliya rəsmiləri indi tamamilə fərqli bir ölkə, yəni başqa Amerika Birləşmiş Ştatları ilə məşğul olduqlarını söyləyib. Vurğulanır ki, hətta Çinin yüksəlişi də Kanberranı ABŞ-la münasibətləri yenidən düşünməkdən yayındıra bilmir. Gözlənilməz addımlar atan Vaşinqtonun öz müttəfiqini müdafiə etməkdən imtina edə biləcəyini nəzərə alsaq, Avstraliya ABŞ-la hərbi əməkdaşlığa artan etibarını təhlükə kimi qəbul edir.

“Avstraliya lazım olarsa ABŞ-a arxalana və ya onun dünyagörüşü ilə kökündən razılaşmırsa,  amerikalı müttəfiqini hərbi cəhətdən dəstəkləməyə davam edə bilərmi?” - Amerikalı jurnalistlər vurğulayıblar.

2021-ci ildən Avstraliya, ABŞ və Böyük Britaniya nüvə sualtı donanmasının yaradılmasına diqqət yetirən AUKUS blokunda müttəfiqdir.

QAZİLER.AZ