Amerika Birləşmiş Ştatları Qrenlandiyanın Çindən asılı vəziyyətə düşməsinə imkan verməyəcək.

Qaziler.az xəbər verir ki, bunu ABŞ-nin dövlət katibi Marko Rubio Brüsseldə NATO xarici işlər nazirlərinin görüşünün yekunlarına dair mətbuat konfransında deyib.

"Ancaq bizim [ABŞ] etməyəcəyimiz şey, Çinin ora gedib və onlara (qrenlandiyalılara) bir dəstə pul təklif etməsinə icazə verməkdir ki, onlar Çindən asılı olsunlar", - Rubio qeyd edib.

Rubio həmçinin vurğulayıb ki, Danimarka səlahiyyətliləri "Qrenlandiyanın Danimarkanın bir hissəsi olmaq istəmədiyi" faktına diqqət yetirməlidirlər. Adanın sakinləri müstəqillik haqqında qərar verərsə, Vaşinqton danışıqlara girməyə və Qrenlandiyaya tərəfdaşlıq təklif etməyə hazır olacaq.

QAZİLER.AZ