Ukrayna tərəfdaşlarından əlavə F-16 qırıcıları alacaq. Artıq təyyarələr göndərilmək üçün hazırlanır.
Qaziler.az RBC-Ukrayna-ya istinadən xəbər verir ki, bunu ABŞ Senatının Silahlı Qüvvələr Komitəsində dinləmələr zamanı Müttəfiq Qüvvələrin Avropadakı Ali Baş Komandanı, general Kristofer Kavoli bildirib.
O xatırladıb ki, Ukraynada artıq tərəfdaşları tərəfindən təhvil verilmiş bir neçə F-16 var. Bir neçə ukraynalı pilot da belə qırıcıları idarə etmək üçün təlim keçib.
"Daha çox F-16 yerləşdirilməyə hazırlanır. Daha çox pilot təlim alır", - general əlavə edib.
QAZİLER.AZ
