Almaniyanın “Volkswagen” şirkəti Donald Tramp administrasiyasının yeni tariflər tətbiq etməsi səbəbindən Meksikadan ABŞ-yə avtomobil tədarükünü dayandırıb.

Qaziler.az xəbər verir ki, bu haqda “Automotive News” məlumat yayıb.

Belə ki, aprelin 2-dən ABŞ-yə idxal olunan bütün məhsullar üçün 10%-lik baza tarifləri tətbiq ediləcək. Aİ üçün bu rəqəm 20%-ə, Meksika və Kanada üçün 25%-ə, Çin üçün isə 34%-ə qaldırılıb.

Qeyd olunur ki, ABŞ-də “Volkswagen” avtomobillərinin qiyməti xeyli artacaq. Şirkət avtomobillərin maya dəyərinə 25 faizlik rüsumun ödənilməsi xərclərini daxil edəcək. “Volkswagen”in Meksikadan ABŞ-yə gətirilən modelləri “Tiguan”, “Taos” və “Jetta”dır.

ABŞ prezidenti Donald Tramp aprelin 3-dən idxal edilən minik avtomobilləri, yüngül yük maşınları və avtomobil hissələrinə 25 faiz rüsumun tətbiq edilməsi ilə bağlı sərəncam imzalayıb. Hazır avtomobillər üçün 25% rüsum aprelin 3-dən, avtomobil hissələri üçün isə mayın 3-dən gec olmayaraq qüvvəyə minəcək.

QAZİLER.AZ