Almaniyanın “Porsche” şirkəti maliyyə itkilərinə görə yenidən tank istehsalına başlamaq qərarına gəlib.

Qaziler.az xəbər verir ki, bu barədə “Europäische Sicherheit & Technik” məlumat yayıb.

Sözügedən qərar “Porsche” üçün 20 milyard avro itki ilə başa çatan Alman avtomobil sənayesinin pis keçən bir ilindən sonra verilib. Şirkətin menecerləri bildiriblər ki, onlara sərt qənaət və biznes üçün yeni istiqamət lazımdır.

Qeyd olunub ki, “Porsche” müdafiə layihələrinə 2 milyard avroya qədər sərmayə qoya bilər. Xüsusilə, şirkət dron istehsalçısı “Quantum Systems”ə artıq vəsait göndərib.

İkinci Dünya Müharibəsi illərində Porsche şirkəti “Tige”r tankının, “Ferdinand” (Elefant) tank məhvedicisinin, super ağır “Maus” tankının və s. istehsalı ilə məşğul olub. Sonradan istehsalçı “Leopard 1” tankının yaradılmasında iştirak edib.

QAZİLER.AZ