İranlılar ölkəyə təcavüz edəcək hər kəsin ayağını kəsəcək.

Qaziler.az İRNA-ya istinadla xəbər verir ki, bu fikirləri İran parlamentinin Milli Təhlükəsizlik və Xarici Siyasət Komitəsinin sədri İbrahim Əzizi ABŞ hakimiyyətinin təhdidlərinə cavab verərkən səsləndirib.

"Hər hansı bir təcavüzkar İslami İranın müqəddəs ərazisinə ayaq basarsa, biz onun ayağını kəsəcəyik. İslam İnqilabının təlimlərinə görə, biz müharibələrin heç birinin təşəbbüskarı olmamışıq, lakin təcavüzkarlarla qəti və sərt şəkildə üzləşməyi öyrənmişik", - İbrahim Əzizi deyib.

Martın 28-də ABŞ prezidenti Donald Tramp deyib ki, əgər İran hakimiyyəti Vaşinqtonla nüvə proqramı ilə bağlı razılığa gəlməsə, onun başına pis hadisələr gələ bilər. Ağ Ev rəhbəri İran hakimiyyətinə göndərilən məktubu xatırladıb. Orada o, ya Vaşinqton və Tehranın danışıb məsələləri müzakirə edəcəyini, ya da İranın bunun nəticələri ilə üzləşəcəyini qeyd edib.

QAZİLER.AZ