ABŞ prezidenti Donald Tramp Birləşmiş Ştatların Konstitusiyasına 22-ci düzəlişdəki hüquqi boşluqdan istifadə edərək üçüncü müddətə vəzifədə qala bilər.

Qaziler.az xəbər verir ki, bu barədə “Bloomberg” yazır.

"Donald Tramp həqiqətən ikinci səlahiyyət müddəti başa çatdıqdan sonra yenidən prezident ola bilərmi? Cavab çox güman ki, bəli olacaq", - nəşrin yazısında deyilir.

Qeyd olunur ki, ABŞ Konstitusiyasına edilən 22-ci düzəlişin mətninə görə prezident bir müddətdən artıq “xidmət edə” bilər, lakin “heç bir şəxs iki dəfədən artıq prezident vəzifəsinə seçilə bilməz”. Agentlik qeyd edir ki, bir nəfərin bu vəzifədə iki dəfədən artıq işləyə bilməyəcəyi deyilmir.

Tramp 2029-cu ildə vitse-prezident kimi Oval ofisə qayıda bilər. Hazırkı vitse-prezident J.D.Vens prezidentliyə namizədliyini irəli sürür və Tramp “onun namizəd yoldaşına çevrilir”. Seçildikdən və and içdikdən sonra Vens istefa verə bilər və bu, Trampa prezidentlik səlahiyyətlərini icra etməyə imkan verəcək. Nəşr vurğulayır ki, ABŞ Konstitusiyasına edilən 22-ci düzəliş Trampın vəzifəyə başlamasına mane olmayacaq.

QAZİLER.AZ