Şimali Koreyanın Kim İr Sen Universitetinin rəhbərliyi Novosibirskdə universitetin filialının açılması imkanını nəzərdən keçirir.

Qaziler.az “Gazeta.ru”ya istinadla xəbər verir ki, bu barədə Novosibirsk Dövlət Universitetinin mətbuat xidməti məlumat yayıb.

“Nümayəndəliyin açılması Şimali Koreya və Rusiya arasında elm və təhsil əlaqələrini gücləndirəcək, elm və texnologiyanın müxtəlif sahələrində birgə tədqiqat və təcrübə mübadiləsi üçün platforma yaradacaq, tələbələrin və alimlərin diqqətini təhsil imkanlarına cəlb edəcək”, - universitetin saytında qeyd edilib.

Mətbuat xidmətinin məlumatına görə, təhsil təşkilatının əməkdaşları hazırda universitet nümayəndələrinin yerləşə biləcəyi yer kimi Akademqorodoku öyrənirlər.

QAZİLER.AZ