Kişinyovda Apellyasiya Məhkəməsi Qaqauziya Respublikasının rəhbəri Yevgeniya Qutsulun işi üzrə dinləmələrə başlayıb, lakin iclas qapalı elan edilib və jurnalistlərin məhkəmə zalını tərk etməsi tələb olunub.

Qaziler.az xəbər verir ki, bu barədə “RİA Novosti” məlumat yayıb.

Bildirilib ki, rayon rəhbərinin özü müşavirədə videobağlantı vasitəsilə iştirak edib.

Qeyd edək ki, aprelin 1-də Qutsul vəkilləri vasitəsilə ABŞ-nin vitse-prezidenti J.D.Vansa müraciət edərək, Qaqauziyada baş verən qanun pozuntularına siyasi qiymət verilməsini xahiş edib.

Yevgeniya Qutsul martın 25-də axşam saatlarında Kişinyov hava limanında Moldovanı tərk etməyə cəhd edərkən saxlanılıb. Siyasətçinin pasportu götürülüb, onun üzərində tam axtarış aparılıb və ölkədən kənara uçmasına icazə verilməyib. O, seçki fondlarını saxtalaşdırmaqda, qanunsuz maliyyələşmədə və bəyannamələri saxtalaşdırmaqda şübhəli bilinir. Yevgeniya Qutsul özünü təqsirli bilmir.

QAZİLER.AZ