Sudanda hərbi təyyarə paytaxt Xartumun qərbindəki Vadi Seydna aviabazasından havaya qalxarkən qəzaya uğrayıb. Hərbçilər və mülki şəxslər də daxil olmaqla, onlarla şəxsin öldüyü bildirilir.

Qaziler.az bildirir ki, bu barədə "Əl-Cəzirə" telekanalına xəbər verir.

KİV-in məlumatına görə, "Antonov" təyyarəsinin qəzaya uğramasının texniki səbəblərdən olması ehtimalı var. Mətbuat təyyarənin yaşayış binasına çırpıldığını da yazıb.

Xartumdakı yüksək rütbəli komandir general-mayor Bəhr Əhməd də daxil olmaqla 19 nəfərin öldüyü bildirilir. Yaralılar xəstəxanaya çatdırılıb, yanğınsöndürənlər hadisə yerində alovun qarşısını ala biliblər.

“Təyyarələrimizdən biri fevralın 25-i axşam saatlarında Vadi Seydna hava limanından qalxarkən qəzaya uğradı”, - Sudan Silahlı Qüvvələri mülki şəxslərin də olduğunu etiraf edərək bildirib.

Təyyarənin növü, qurbanların sayı və qəzanın səbəbi barədə əlavə məlumat verilmir.

QAZİLER.AZ