Avropa liderləri bu həftə Avropanın təhlükəsizlik məsələlərini müzakirə etmək üçün Londonda görüşəcəklər. Görüşü Polşanın Baş naziri Donald Tusk təsdiqləyib.

Qaziler.az bildirir ki, bu barədə RBC-Ukrayna Donald Tuskun bəyanatına istinadən  xəbər verir.

Tusk bildirib ki, bir qrup Avropa liderləri müdafiə və təhlükəsizliklə bağlı birgə planları müzakirə etmək üçün bazar günü, martın 2-də Londona gedəcək.

Polşanın baş naziri qeyd edib ki, Avropa Komissiyası müdafiə paketi hazırlayır. Paketin təfərrüatları Avropa İttifaqı liderlərinin martın 6-na planlaşdırılan xüsusi sammitində açıqlanacaq. Ondan bir neçə gün əvvəl ilkin iclas keçiriləcək.

"Biz bu birgə müdafiə planlarını müzakirə etmək üçün britaniyalı dostlarımız və bir qrup liderlə bazar günü Londonda olacağıq", - baş nazir bildirib.

Tusk həmçinin əlavə edib ki, qitədə müdafiə və təhlükəsizlik məsələsində Avropa ölkələrinin sürətli səfərbərliyinə ümid edir.

QAZİLER.AZ