Şimali Amerika Aerokosmik Müdafiə Komandanlığı (NORAD) Rusiya hərbi təyyarəsinin Alyaska yaxınlığında beynəlxalq hava məkanında uçduğunu iddia edib.

Qaziler.az-ın xarici KİV-ə istinadla verdiyi məlumata görə, qeyd edilib ki, təyyarə beynəlxalq hava məkanında qalıb, ABŞ və ya Kanadanın suveren hava məkanına daxil olmayıb.

“NORAD 2025-ci il fevralın 18-də Alyaska Hava Hücumundan Müdafiə İdentifikasiya Zonasında (ADIZ) uçan Rusiya hərbi təyyarəsini aşkar edib və izləyib”, - məlumatda qeyd edilib.

Amerika komandanlığı Rusiya hərbi təyyarəsinin hansı model olduğunu dəqiqləşdirməyib. Bununla belə, onlar vurğulayıblar ki, ABŞ Rusiyanın Alyaska yaxınlığındakı beynəlxalq hava məkanındakı fəaliyyətində təhlükə görmür.

QAZİLER.AZ