İsrail həbsxanalarından azad edilən fələstinli məhbuslara üzərində İsrail bayrağı, həbsxana sisteminin emblemi, ibrani və ərəb dillərində “Əbədi xalq unutmur, mən düşmənlərimi təqib edirəm və onlara çatıram” sözləri yazılmış qolbaq verilir.

Qaziler.az TASS-a istinadla bildirir ki, bu barədə İsrailin “Kan” dövlət televiziya və radio şirkəti İsrail Həbsxana Xidmətinə istinadən məlumat yayıb.

“Bundan əlavə, müqavilə çərçivəsində fələstinli məhbusların azadlığa buraxıldığı həbsxanaların divarlarında, eləcə də onları daşıyan avtobusların İordan çayının qərb sahilinə gedərkən keçdiyi keçid məntəqələrində ibrani, ərəb və ingilis dillərində eyni mesajların olduğu plakatlar asılıb”, - “Kan” qeyd edib.

QAZİLER.AZ