ABŞ Dövlət Departamenti diplomatik və konsulluq idarələrinə Amerika bayrağından başqa hər hansı bayraqların dalğalanmasını qadağan edib.

Qaziler.az bildirir ki, bu barədə yanvarın 23-də "The Guardian" məlumat yayıb.

"Bu andan etibarən qüvvəyə minir: Yalnız Amerika Birləşmiş Ştatlarının bayrağı həm ölkə daxilində, həm də beynəlxalq səviyyədə ABŞ mülklərində dalğalana və ya nümayiş etdirilə bilər" dedi.

“Bir bayraq siyasəti” keçmiş ABŞ prezidenti Co Baydenin administrasiyası dövründə xaricdəki səfirliklərdə LGBT və Black Lives Matters etiraz hərəkatının bayraqlarının qaldırıldığı bir neçə hala qarşı yönəlib.

Nəşr yazır ki, 2023-cü ildə "Qürur ayı" qeyd etmələri zamanı Ağ Evdə LGBT bayrağı da nümayiş etdirilib və bu, mühafizəkarların etirazına səbəb olub.

“Amerika Birləşmiş Ştatlarının bayrağı bütün amerikalıları ədalət, azadlıq və demokratiya kimi universal prinsiplər altında birləşdirir. Böyük ölkəmizin təməlində duran bu dəyərləri keçmiş və indiki bütün Amerika vətəndaşları bölüşür”, - deyə məlumatda qeyd olunub.

Nəşr yazır ki, istisnalar yalnız hərbi əsir və ya itkin düşmüş şəxsin bayrağı, eləcə də girovların və qanunsuz həbs edilmiş şəxslərin bayrağı ola bilər.

QAZİLER.AZ