Meksika və dünya üçün Meksika körfəzi Meksika adında qalacaq, ABŞ prezidenti Donald Trampın fərmanı bunu dəyişmir.

Qaziler.az RBC-Ukrayna-ya istinadən xəbər verir ki, bunu Meksika prezidenti Klaudiya Şeynbaum deyib.

Şeynbaum Trampın andiçmə mərasimindən sonra imzaladığı bir sıra icra fərmanlarına cavab verib.

Prezident vurğulayıb ki, Trampın cənub sərhədindəki fövqəladə vəziyyət və miqrantların müdafiəsi ilə bağlı protokollarla bağlı sərəncamları Trampın birinci dövründə verilən sərəncamlardan heç də fərqlənmir.

"Biz hər zaman müstəqilliyimizin müdafiəsi, ABŞ-da yaşayan soydaşlarımızın müdafiəsi üçün çıxış edəcəyik. Biz konstitusiyamız və qanunlarımız çərçivəsində hərəkət edirik. Biz həmişə soyuqqanlılıqla hərəkət edirik", - o əlavə edib.

Şeynbaum Trampın Meksika körfəzinin adının Amerika Körfəzi olaraq dəyişdirilməsi ilə bağlı əmri ilə də razılaşmayıb.

"Bizim və dünya üçün bu hələ də Meksika körfəzidir", - deyə Meksika prezidenti bildirib.

QAZİLER.AZ