ABŞ prezidenti Donald Tramp bildirib ki, Rusiya Ukraynadakı münaqişənin həlli ilə bağlı razılaşmadan imtina edərsə, ciddi problemlə üzləşəcək. Onun sözlərinə görə, Rusiya lideri Vladimir Putin müvafiq sazişi bağlamalıdır.

Qaziler.az bildirir ki, bu barədə “The Guardian” məlumat dərc edib.

“Rusiya lideri Vladimir Putin razılığa gəlməlidir. Düşünürəm ki, Rusiya Ukrayna sazişindən çıxsa, böyük bəlalarla üzləşəcək”, - Tramp bildirib.

Amerika lideri əlavə edib ki, danışıqları təşkil etdikdən sonra Rusiya prezidenti ilə mümkün qədər tez görüşmək niyyətindədir. Ağ Ev rəhbəri vurğulayıb ki, bu istiqamətdə artıq addımlar atılır.

QAZİLER.AZ