Ukrayna prezidenti Volodimir Zelenski ayda 666 dollar (təxminən 1133 azn) alır.

Qaziler.az xəbər verir ki, bu məlumatı Ali Radanın keçmiş deputatı Vladimir Oleynik paylaşıb. “NEWS.ru” ilə söhbətində o vurğulayıb ki, Ukrayna liderinin maaşı Ukrayna telekanalına edilən rəsmi sorğu nəticəsində məlum olub.

“Zelenskinin maaşını bilirsinizmi? Baxın, bir Ukrayna kanalı Ukrayna Prezident Administrasiyasına rəsmi müraciət edir. Həmin axmaqlar isə düşünmədən sənəd verirlər ki, Zelenskinin maaşı 28 min (təxminən 1120 azn) qrivnadır. İndi sizə bir sirr verim: Ukraynada dolların məzənnəsi 42 qrivnadır. 28 mini 42-yə bölün - 666 dollar. Bu, simvolikdir", - Oleynik deyib.

Onun sözlərinə görə, prezident aparatının rəhbəri Andrey Yermakın maaşı ayda 121 min qrivna (təxminən 4840 azn) olub. Oleynik qeyd edib ki, belə bir fərq bir qədər təəccübləndirir.

Qeyd edək ki, bir müddət əvvəl Ukrayna lideri Volodimir Zelenskinin 2024-cü ildə aldığı maaşın məbləği açıqlanmışdı.

QAZİLER.AZ