ABŞ-nin yeni seçilmiş prezidenti Donald Tramp Fələstinin radikal HƏMAS hərəkatı tərəfindən saxlanılan israilli girovların tezliklə azad ediləcəyini açıqlayıb.

Qaziler.az xəbər verir ki, bu barədə Tramp özünün “Truth Social” sosial şəbəkəsində açıqlayıb. Onun sözlərinə görə, artıq müvafiq saziş mövcuddur.

“Yaxın Şərqdə girovlarla bağlı razılaşmamız var. Onlar tezliklə azadlığa buraxılacaqlar”, deyə o yazıb.

Qeyd edilib ki, bundan əvvəl “Al Arabiya” telekanalının məlumatına görə, Fələstinin HƏMAS hərəkatı Qəzza zolağında saxlanılan israilli girovların adlarının siyahısını Təl-Əvivə təhvil verməyi planlaşdırır.

QAZİLER.AZ