Hindistan ABŞ-nin yeni sanksiyalarına məruz qalan Rusiya neftini daşıyan tankerləri qəbul etməyəcək.

Qaziler.az xəbər verir ki, bu barədə “Bloomberg” məlumat yayıb.

Nəşrin məlumatına görə, yüksək rütbəli Hindistan rəsmisi sanksiyaya məruz qalan gəmilərin boşaldılmasının qadağan ediləcəyini bildirib. İstisna yalnız yanvarın 10-dan əvvəl icarəyə götürülmüş tankerlər üçün edilir, bu şərtlə ki, onlar martın 12-nə qədər yüklərini boşaltmağı başa çatdırsınlar.

“Bloomberg” qeyd edib ki, Rusiya sanksiyalardan yan keçərək Hindistana neft tədarükünün alternativ yollarını tapa biləcək.

Bundan əvvəl məlum olub ki, ABŞ Rusiyadan mayeləşdirilmiş təbii qazın (LNG) hasilatı və ixracı ilə bağlı şirkətlərə qarşı yeni sanksiyalar tətbiq edib. NOVATEK tərəfdaşlarına, həmçinin Rosatomun yüksək vəzifəli nümayəndələrinə qarşı məhdudiyyətlər tətbiq edilir.

QAZİLER.AZ