Avropa İttifaqı Ukraynaya yardım məsələsində liderlik nümayiş etdirməyə hazırdır. Amma Avropada ABŞ-ın yeni seçilmiş prezidenti Donald Trampın ukraynalılara dəstəyini dayandırmayacağına ümid edirlər.

Qaziler.az Politico-ya istinadən xəbər verir ki, bunu Aİ diplomatiyasının rəhbəri Kaya Kallas deyib.

“Mən həqiqətən əminəm ki, Aİ-nin bütün digər üzvləri və ümid edirəm ki, ABŞ da Ukraynanı dəstəkləməyə davam etməyə hazırdır... ABŞ istəməsə, Avropa İttifaqı bu rəhbərliyi öz üzərinə götürməyə hazırdır", - Kallas deyib..

O, əlavə edib ki, Avropa ABŞ-ın Ukraynaya gələcək dəstəyi ilə bağlı “spekulyasiya” etməməlidir. Aİ-nin baş diplomatının sözlərinə görə, “Rusiyanın dünyanın ən güclü ölkəsi olması Amerikanın maraqlarına uyğun deyil”.

QAZİLER.AZ