Hollivud aktyorları Spenser Pratt və Haydi Montaqın Los-Ancelesdəki evi meşə yanğını nəticəsində yanıb.

Qaziler.az xəbər verir ki, bu barədə “TikTok” sosial mediasında video paylaşılıb.

Görüntülərdə yanğın məşhur aktyorun ​​həmkarı, həyat yoldaşı və oğulları ilə paylaşdığı malikanəsini bürüdüyü göstərilib. Uşaqlardan ən kiçiyinin iki, ən böyüyününün isə yeddi yaşı olub.

Pratt videoya "Kabus gerçək oldu" şərhini verib.

Ev eksklüziv “Pacific Palisades” məhəlləsində yerləşib. Yanğın malikanəyə bitişik ərazini bürüyüb. Yanğın nəticəsində xəsarət alanların olub-olmadığı məlum deyil.

Məşhur aktyorlar Spenser Pratt və Haydi Montaq Amerikanın "Hollywood Hills" realiti-serialında iştirak etdikdən sonra məşhurlaşıblar. Şou 2006-cı ilin mayından 2010-cu ilin iyuluna qədər yayımlanıb.

QAZİLER.AZ