Melaniya Tramp Amazon Prime-da yayımlanacaq Brett Ratnerin yeni sənədli filmində rol alacaq.

Qaziler.az bildirir ki, bu barədə "The Guardian" xəbər verir.

Artıq çəkilişlərə başlanılıb. Təsvirdə bildirilir ki, film tamaşaçılara ABŞ-ın birinci xanımının həyatına “analoqu olmayan pərdəarxası baxış” təqdim edəcək. Yaradıcılar həmçinin “həqiqətən unikal hekayə” təqdim etməyə söz verirlər.

Filmin buraxılış tarixi hələ məlum deyil.

Nəşr vurğulayır ki, bu film Donald Tramp və sahibkar Ceff Bezos arasında daha bir əlaqə olacaq. Dekabr ayında "Amazon" Trampın ikinci andiçmə mərasiminə 1 milyon dollar ianə edəcəyini və "Prime Video"nun tədbiri yayımlayacağını açıqlayıb.

Əvvəllər Trampla Bezos arasında münasibətlər gərgin idi.

QAZİLER.AZ