Misirin Ətraf Mühit Nazirliyi Qırmızı dənizdə köpək balığının hücumu nəticəsində bir nəfərin öldüyünü, bir nəfərin isə yaralandığını açıqlayıb.

Qaziler.az bildirir ki, bu barədə TRT-Haber xəbər verir.

Yazılı açıqlamada Qırmızı dəniz sahilindəki Marsa Aləm şəhəri sahillərində 2 nəfərin köpək balığının hücumuna məruz qalması barədə nazirliyə məlumat daxil olduğu bildirilib.

Açıqlamada hadisə nəticəsində bir əcnəbi vətəndaşın öldüyü, bir nəfərin isə yaralandığı bildirilib. Aidiyyəti qurumların məsələnin araşdırılması üçün təcili komissiya yaradılmasına qərar verildiyi bildirilib.

Açıqlamada köpəkbalığı hücumunun baş verdiyi ərazinin daha əvvəl üzgüçülük üçün qapalı ərazi elan edildiyi də paylaşılıb.

QAZİLER.AZ