Roma Papası Fransisk katoliklərin Milad bayramı münasibətilə verdiyi mesajında dünyanı ümumbəşəri barışıq və münaqişələrin həllinə çağırıb.
Qaziler.az xəbər verir ki, Papanın sözlərini “Vatican News” sitat gətirib.
“Qoy səbirli Ukraynada silahlar sussun! Qoy ədalətli və davamlı sülhə nail olmaq üçün danışıqlara, dialoq jestlərinə və görüşə qapıları açmaq cəsarəti olsun”, - deyə din xadiminin mesajında deyilir.
Papa çıxışında Qəzza zolağı, Suriya və Liviyada yaranmış vəziyyətləri də xatırladıb və barışığa nail olmağa imkan verəcək həll yollarını axtarmağa çağırıb.
QAZİLER.AZ
