Bəşər Əsəd 24 il Suriyanı təpənin üstündə yerləşən sarayından idarə edib. Lakin bir neçə gün əvvəl onun hakimiyyəti qəfildən sona çatıb və bu, həm özünü, həm də ətrafındakıları təəccübləndirib.

QAZÍLER.AZ  Milli.Az-a istinaden bildirir ki, görünür, onun istefaya hazırlaşmağa vaxtı olmayıb, sarayı ziyarət edə bilmiş "BILD"in müxbiri Sebastyan Prenqel yazır.

"Əsədin yıxılmasından əvvəl biz bura gəlməyə qorxurduq, bax, buradan bizim addımlarımız mərmər döşəmədə səslənir. Dəyərli ağacdan hazırlanmış stolun qiyməti 100 min dollardır, amma onu götürmək çox çətin görünürdü. Cırılmış, rejim bayrağı yerdə qalıb, insanlar tərəfindən tapdalanıb", - məlumatda deyilir.

Rejim devrildikdən sonra sarayın bir hissəsi yanğına qərq olub. Divarlar və tavanlar indi qara rəngdədir və hər tərəf zibillə doludur. İstidən əriyən qızılı çılçıraqlar tavandan burulub asılıb. Küçədə müxbir Rusiya prezidenti Vladimir Putinin portretinə rast gəlib: "O, tapdalanıb və yerə atılıb - indi o, heç kimə lazım deyil".