Fələstinin HƏMAS hərəkatı ilk dəfə olaraq bildirib ki, o, İsrail Müdafiə Qüvvələrinə hərbi əməliyyatlar başa çatdıqdan sonra Qəzza zolağında müvəqqəti qalmasına imkan verəcək təkliflə razılaşa bilər.

Qaziler.az xəbər verir ki, bunu “The Wall Street Journal” vasitəçilərə istinadən məlumat yayıb. Müəlliflərin fikrincə, söhbət İsrail qoşunlarının yerləşdirilməsi nəzərdə tutulan Misirlə anklav arasında Filadelfiya dəhlizindən, eləcə də sektorun ortasındakı Netzarim dəhlizindən gedir.

Məlumatda qeyd edilib ki, HƏMAS ilk dəfə vasitəçilərə bildirib ki, döyüşlər dayandırıldıqdan sonra İsrail qüvvələrinin Qəzzada müvəqqəti qalmasına imkan verəcək təkliflə razılaşacaqlar.

Bundan əlavə, HƏMAS müqavilə bağlanacağı təqdirdə azad etməyə hazır olduqları girovların siyahısını da verib. Onların arasında ABŞ vətəndaşlarının da olduğu qeyd edilir. Qəzetin yazdığına görə, tərəflər Qəzza zolağında 30-a qədər girovun azad ediləcəyi, İsrailin isə bir sıra fələstinli məhbusları azad edəcəyi və bölgəyə humanitar yardım axınının artırılmasına imkan verən 60 gün müddətinə bölgədə atəşkəs əldə etməyi nəzərdən keçirir.

QAZİLER.AZ