Moldovanın hazırkı prezidenti Maia Sandu Ukrayna ərazisindən qaz tranziti ilə bağlı danışıqlar üçün Brüssel əvəzinə Moskva və ya Kiyevə getməli idi.

Qaziler.az bildirir ki, bu sözləri öz Teleqram-kanalında respublikanın keçmiş rəhbəri, Sosialist Partiyasının lideri İqor Dodon deyib.

Hazırda Maia Sandu Brüsseldədir və burada NATO-nun baş katibi Mark Rutte ilə görüşəcək və ilk dəfə hərbi blokun şurası qarşısında çıxış edəcək.

Moldova prezidentinin səfərini şərh edən Dodon bildirib ki, respublikada enerji böhranı şəraitində o, “bu hökumətin öz xalqına əsl simasını və “qayğısını” göstərir”.

“Sandu Brüsselə uçmamalı, təcili olaraq Moskvaya getməli (bu, yayda edilməli idi) və ya heç olmasa Kiyevə gedib Moldova vətəndaşlarının ehtiyacları üçün Ukraynadan qaz tranziti ilə bağlı razılığa gəlməli idi”, - siyasətçi yazıb.

Respublikanın keçmiş rəhbəri həmçinin “Dnestrin hər iki sahilindəki” problemləri həll etmək üçün Moldova və Dnestryanı nümayəndələrinin iştirak edəcəyi vahid antiböhran qərargahının yaradılmasının vacibliyini bəyan edib.

QAZİLER.AZ