ABŞ-də keçirilən prezident seçkilərində qalib gələn Donald Trampın Ağ Evə qayıdışı Avropa Komissiyasının rəhbəri Ursula fon der Leyen üçün problemlər yaradacaq.

Qaziler.az xəbər verir ki, bunu “Politico” adı açıqlanmayan Aİ diplomatlarına istinadən xəbər verir.

Müəlliflərin yazdığına görə, AK sədri mümkün qlobal ticarət müharibəsi kontekstində Ukraynaya dəstək və Avropa İttifaqının iqtisadi artımı üçün mübarizə aparmalı olacaq.

Jurnalistlərin həmsöhbətlərinin dediyi kimi, ABŞ-nin gələcək prezidenti heç vaxt Aİ-ni həmsöhbət kimi tanımağa xüsusi cəhd göstərməyib. Avropada Trampın müdafiə xərclərini artırmaqdan imtina edən dövlətləri tariflərlə hədələyəcəyi qorxusu yaranır. Avropalı rəsmilərin fikrincə, əsas hədəflərdən biri onsuz da iqtisadi çətinliklərlə üzləşən Almaniya olacaq.

Nəşrin yazdığına görə, fon der Leyen Trampın tarifləri artırmaq və Ukraynaya yardımı kəsmək təhdidləri qarşısında Aİ-ni birləşdirməyə ümid edir. Bunun üçün o, Trampın daha çox qəbul edə biləcəyi liderlərdən, məsələn, İtaliyanın baş naziri Corc Meloni və ya NATO-nun baş katibi Mark Ruttedən kömək istəməli olacaq.

QAZİLER.AZ