ABŞ Müdafiə Nazirliyi düşmənin infrastrukturunu kompüter şəbəkələri vasitəsilə dağıdan “məntiqli bomba”lar yaradılması üçün podratçı axtarır. İKT.lent.az-ın “Nextgov.com”a istinadən verdiyi məlumata görə, “məntiqli bomba”lar düşmənin infrastrukturunun özünü məhv etməsinə səbəb olan xüsusi proqramlardır. Bu proqramların köməyi ilə atom stansiyalarında qəzalar törətmək, su anbarlarında bəndləri açmaq, aviaqəzalar törətmək məqsədilə dispetçer avadanlıqlarını sıradan çıxarmaq və s. mümkündür.
Bu tip kiberhücum proqramlarının hazırlanması məqsədilə 460 milyon dollarlıq büdcə ayrılıb.
