Rusiya Hərbi Dəniz Qüvvələrinin hərbi gəmilərinin bir dəstəsi Çinin Çindao limanına səfərə gəlib.

Qaziler.az xəbər verir ki, bu barədə Rusiya Müdafiə Nazirliyi məlumat yayıb.

Söhbət “Rusiya Federasiyasının Qəhrəmanı Aldar Tsıdenjapov”, “Rezki” və “Qromki” korvetlərindən, həmçinin “Peçenqa” dayaq gəmisindən gedir. Onlar dekabrın 9-dək orada qalacaqlar.

Səfər çərçivəsində Rusiya Hərbi Dəniz Qüvvələrinin gəmilərinin komandanlığı ilə Çin Xalq Azadlıq Ordusunun Hərbi Dəniz Qüvvələri bazasının nümayəndələri arasında görüşlər və gəmilərə qarşılıqlı səfərlər təşkil olunacaq. Hərbçilər mədəni və idman tədbirlərində də iştirak edəcəklər.

Məlumatda vurğulanıb ki, Rusiya Hərbi Dəniz Qüvvələrinin hərbi gəmiləri dəstəsinin Çin Xalq Respublikasına səfəri iki dövlətin hərbi-dəniz qüvvələri arasında əməkdaşlığın möhkəmləndirilməsində növbəti praktiki addım olacaq.

QAZİLER.AZ