Ukrayna prezidenti Volodimir Zelenski Gürcüstan hakimiyyətinə qarşı sanksiyaların tətbiqi haqqında fərman imzaladığını bildirib.

Qaziler.az xəbər verir ki, bu barədə o, teleqram kanalında məlumat dərc edib. Məlumatda həmçinin, hakim “Gürcü arzusu” partiyasının qurucusu Bidzina İvanişviliyə qarşı məhdudiyyətlərin tətbiq edildiyi qeyd olunub.

“Mən indicə Milli Təhlükəsizlik və Müdafiə Şurasının sanksiyalarla bağlı qərarını qüvvəyə mindirən fərman imzaladım. Bu, beynəlxalq məsələlərdə belə olur: vaxtında reaksiya verməsən və ya prinsipsiz davransan, ondan sonrakı onilliklər və ölkələr azadlıqdan məhrum edilir”, - Zelenski bildirib.

Dövlət başçısı əlavə edib ki, nə Gürcüstanı, nə Moldovanı, nə də Ukraynanı “udmaq mümkün deyil” və onlar Moskvadan birgə müdafiə olunmalıdır. O, həmçinin ABŞ, Avropa və digər ölkələri eyni prinsiplə hərəkət etməyə çağırıb.

QAZİLER.AZ