ABŞ Gürcüstana Avropaya inteqrasiyanın dondurulması ilə bağlı keçirilən etiraz aksiyalarına görə yeni sanksiyalar tətbiq edə bilər.
Bu barədə ABŞ Dövlət Departamentinin rəhbəri Entoni Blinken deyib.
Onun sözlərinə görə, artıq sanksiyaların tətbiqinə hazırlıq gedir:
"Birləşmiş Ştatlar indi əvvəllər elan etdiyimiz ikitərəfli əməkdaşlığın nəzərdən keçirilməsini davam etdirməklə yanaşı, əlavə sanksiyaların tətbiqi də daxil olmaqla, əlimizdə olan vasitələrdən istifadə etməyə hazırlaşır".
Qeyd edək ki, Gürcüstan hökuməti 2028-ci ilin sonuna qədər Avropa İttifaqı (Aİ) ilə danışıqların başlanması məsələsini gündəmə gətirməmək və 2028-ci ilin sonuna qədər Aİ-dən heç bir büdcə qrantı almayacağı barədə qərar qəbul edib. Bu qərardan sonra Gürcüstanda etirazlar baş verib. 28 noyabrdan etibarən etiraz aksiyaları Tbilisidə və regionlarda keçirilir.
Aksiyalar əvvəlcə dinc şəraitdə keçirilsə də, sonradan nümayişçilər zorakılıqlara əl atıblar. Aksiyaçılar polisə fişəng, "Molotov kokteylləri" və daş atıblar. Eyni zamanda Tbilisidəki etiraz aksiyalarında saxlanılanların 30 faizi xarici vətəndaşlardır.
